ლიტერატურული კუთხე... სად წავიკითხოთ?

ბათუმი, აჭარა

ძალიან მიყვარს მყუდრო, თბილ ადგილას წიგნის კითხვა. ცოტა უცნაურია მაგრამ ყველაზე "გემრიელად" წიგნს ზამთარში ვკითხულობ, ანუ როცა გარეთ ცივა და მე თბილ ადგილას ვარ წიგნით ხელში და ნელ ნელა ვწრუპავ ღვნოს ან ჩაის.

 ასევე ძალიან მიყვარს წიგნის სუნი. ამიტომ ახალ წიგნს როცა ვყიდულობ ჩუმად ვყნოსავ ხომე მაღაზიაში, ისე  რომ არავინ შეამჩნიოს. თუ ჩემი ინტერესი და წიგნის სუნი ერთმანეთს ემთხვევა, ჩათვალეთ რომ წიგნი ნაყიდია.

ჩემი ოთახი არის ის ადგილი სადაც ყველაზე ხშირად მოვკალათდები ხოლმე წიგნის წასაკითხად. ხანდახან  მინდება წასაკითხად გარეთ გასვლა. (ძირითადად მაშინ როდესაც დედა ალაგებს სახლს- მკლავს მტვერსასრუტის გულისგამაწვრილებელი ხმა! ან სტუმრები გვყავს, რომლებიც მე დიდად გულზე არ მეხატება და კიდევ სხვა ბევრი მიზეზი).

კითხვა: სად წავიკითხო წიგნი მშვიდათ ისე რომ 14 წლის გოგოების წიკვინმა, ძველი ბიჭების გინებამ, უზომოდ ხმამაღლა ჩართულმა უგემოვნო მუსიკამ, უზრდელმა ოფიციანტმა რომელიც ზიზღით შემომხედავს როცა მე ერთ ფინჯან ჩაის შევუკვეთავ და მეტს არაფერს, არ შემაწუხონ?

პასუხი: ასეთი ადგილი თბილისში მგონი აღარ არის.

ადრე, ალბათ ერთი წლის წინ, "ლიტერატურული კაფე" სავსებით შესაფერისი ადგილი იყო ჩემი მცირე ოცნების ასახდენად. ჩემთვის დავჯდებოდი, შევჭამდი ცხელ-ცხელ ლობიანს, დავლევდი ჩაის და ვიჯექი ჩემთვის ჩემ "სურნელოვან" წიგნთან ერთად.
ახლა აქ ამის გაკეთება შეუძლებელია. იშვიათად ისიც დღის პირველ ნახევარში თუ მოვახერხებ შევიპარო და გემრიელად მოვკალათდე, ამ დროს აქ ცოტა ხალხია და თუ სთხოვ მუსიკასაც დაუწევენ...  აი საღამო რომ დადგება მერე იწყება "ზეიმი". უამრავი ხალხი, 10 გოგო ერთ მაგიდასთან, რომლებიც 3 საათით ადრე მოვიდნენ ფილმის დაწყებამდე რომ ჭორაობა მოასწრონ და მრავალი ასეთი "ეგზემპლარი"

სურათი რომელიც ამ პოსტის თავში დავდე გადაღებულია ბათუმში,ერთ-ერთ რიგით, პატარა კაფეში. შობას ბათუმში შევხვდი მეგობრის სახლში და მეორე დღეს ამ მყუდრო ადგილას მოვედით. მართალია საღამო იყო, ჩევნ ლუდს ვსვამდით და საერთოდ ვის ახსოვდა წიგნები? მაგრამ კაფეს ვიტრინამ, რომელის წიგნებით იყო "გაფორმებული", ჩვენი ყურადღება მიიქცია.

ფაქტიურად მთელი საღამო წიგნით ხელში გავატარე, ბედად ვიპოვნეთ წიგნი რომელიც დედამიწაზე ყველაზე ცნობილ 100 საყვარელზე, 100 ცნობილ ქალზე, 100 მოვლენაზე იყო...

მოკლედ იმ საღამოს გადავწყვიტე რომ ოდესმე გავხსნი ლიტერატურულ "სახლუკას", სადაც მოვა ხალხი ვისაც უნდა უბრალოდ კითხვა და სითბო ცივ ზამთარში, ცხელი ჩაი და მშვიდი მუსიკა, მოხერხებული სავარძელი და გემრიელი ყავა...

ჩემი ოცნების ლიტერეტურულ სახლუკაზე სხვა პოსტში დავწერ რომ უფრო ვრცლად მოვახდინო ყველაფრის აღწერა.... მანამდე მოვკალათდეთ ჩვენ კუთხეში და ვიკითხოთ!

14 Actors Acting (C) New York Times Production

მოხიბლული ვარ "ნიუ იორკ თაიმსის" ამ პროექტით და მინდა გაგიზიაროთ. 

14 გამორჩეული მსახიობის მიერ შესრულებული მოკლემეტრაჟიანი დადგმები. 

თითქმის ყველა არაჩვეულბრივია რამდენიმე გამონაკლისის გარდა (აქ ვგულისხმობ ძირითადად ჯენიფერ ლოურენსს)

Solve Sundsbo-ს რეჟისურა და Owen Pallett–ის მუსიკა. პროექტში მონაწილე მსახიობების სიაში შედიან შემდეგი გამორჩეული ვარსკვლავები: მაიკლ დუგლასი, ნატალი პორტმანი, ხავიერ ბარდემი, ჯესი ეისენბერგი, ლესლი მენვილი, ვინსენტ კასელი, ტილდა სვინტონი, ქლოი მორტეზი, Noomi Rapace, ენტონი მაკი, რობერტ დუვალი, ჯეიმს ფრანკო, მეტ დეიმონი და ჯენიფერ ლოურენსი.

Javier Bardem 

Chloë Moretz

Natalie Portman

Tilda Swinton

Vincent Cassel

ჩემი სუბიექტური აზრით კი ჯეიმს ფრანკო და ტილდა სვინტონის შესრულება გამორჩეული და უბადლოა.

თქვენი თვალით იხილეთ: 

Tilda

James

ყველა ვიდეო:  NYT 14 actors acting

100 (და ცოტა მეტი)

კვირის პალიტრის 8-14 ნოემბრის გამოცემაში გადავაწყდი პროექტს "სანამ ცოცხალი ხარ"!
ლოგიკური კითხვა რა არის ეს ?! მეც გამიჩნდა და აი თურმე რის გაკეთებას გვირჩევს კვირის პალიტრა სანამ ცოცხლები ვართ:

"100-ზე მეტი  დაწინაურებული წიგნის სია... არჩევანი შენ!" 

გაზეთი გვაწვდის გამოკითხვების შედეგად შერჩეულ 100 (და ცოტა მეტი) წიგნის სიას , რომელიც ნებისმიერ მოკვდავს აუცილებლად უნდა ჰქონდეს წაკითხული თუ სურს (ან ამბიცია აქვს) რომ იყოს ცოტა ოდენ მაინც განსწავლული ან/და ლიტერატურას ნაზიარები!

სია მოიცავს თითქმის ყველა საინტერესო ავტორს რაც  ახსოვს მსოფლიო ლიტერატურას, თუმცა ბევრი გამოტოვებულია. ამაზე რედაქტორი (სტატიის ავტორი) ამბობს რომ შეუძლებელია მსოფლიო ლიტერატურის უზარმაზარი საგანძური ასახული იყოს 50 თუ 100 წიგნში. (რა თქმა უნდა ეს მართალია)

საინტერესო ფაქტია ის რომ ამ სიაში მოცემული წიგებიდან 50-ის დაბეჭდვას (რომლებიც ხმათა უმრავლესობას მოიპოვებს) ითავებს გამომცამლობა და ჰოი ერო! აი დადგა დიადი დღე, როდესაც ამ საგანძურის შეძენა 7 ან 10 ლარად შეგეძლება!

იმისთვის რომ მიიღოთ მონაწილეობა ამ პროექტში (რაც მე უკვე გავაკეთე და მჯერა რაღაც წვლილი შევიტანე საზოგადოების განვითარებაში), უნდა შეიძინოთ კვირის პალიტრა, ამოჭრათ გვ.27 დან ბლანკი და შეავსოთ. ან უფრო მარტივად შეხვიდეთ ამ ვებ-გვერდზე:   http://50.kvirispalitra.ge/

მე ძალიან მოხარული ვარ ამ პროექტის არსებობით. გადავხედე რა მოცემულ სიას, ბედნიერი ვიყავი რომ დედას ამ 100 (და ცოტა მეტი) წიგნიდან 92 წაკითხული ჰქონდა ხოლო მე.... მე საიდუმლოდ დავტოვებ ამ ინფორმაციას....

P.S. არ დავიზარე და ავკრიფე 100 (და ცოტა მეტი) წიგნის სია, ავტვირთე ამ ლინკზე 

http://allshares.ge/download.php?id=D69712ED27 

, 

აბა თქვენ იცით, დამიფასეთ შრომა და მიეცით ხმა თქვენ საყვარელ წიგნს! ან წიგნს რომელიც გინდათ რომ 7 ლარად შეიძინოთ!

Jazz's young style God

ჩემი ახალი გატაცება და უდავო ფავორიტი კრისტიან სკოტია. ახალგაზრდა მუსიკოსი, რომელიც თავისი მუსიკით, შესრულების სტილით და ჩაცმულობით ისეთი განსხვავებული და ორიგინალურია რომ ჯაზის მოყვარულს კი არა ნებისმიერი მუსიკით ოდნავ მაინც დაინტერესებულ ადამიანის ყურადღებას მიიქცევს. 

ჩემ განსაკუთრებულ სიყვარულს ნიუ ორლეანელი მუსიკოსის და მისი აგრესიულად ენერგიული ბენდის ბოლო ალბომი Yesterday You Said Tomorrow იმსახურებს. სიმართლე რომ გითხრათ ამის მიზეზი ახლახანს დასრულებული, 2010 წლის თბილისის ჯაზის ფესტივალი გახდა, სადაც ახალი ალბომიდან რამდენიმე კომპოზიცია შეასრულა ამ საოცარმა ადამიანმა. 

ერთ საათიანი გამოსვლა საკმაოდ ეფექტური იყო და კრისტიან სკოტის კვინტეტი აჟიტირებულმა "ფანებმა" ორჯერ გამოიძახეს სცენაზე. პირველი გამოძახება წარმატებული აღმოჩდნდა, მეორედ ბენდი უკვე აღად დაუბრუნდა სცენას. მაგრამ ბოლოს დარბაზში დარჩენილმა რამდენიმე მსმენელებმა მაინც მოვახერხეთ ავტოგრაფის მოპოვება. 

ვისაც უფრო მეტად გაგვიმართლა საღამოს მოწყობილ წვეულებაზე, რამდენიმე ფოტოც გადავიღეთ ბენდის წევრებთან, ომარი-ს ენერგიული მუსიკის თანხლებით. "Jazz's young style God"- როგოც მას ჟურნალი JazzTimes მოიხსენებს, საკმაოდ თავმდაბალი აღმოჩნდა და სიამოვნებით იღებდა ფოტოებს ქართველ მსმენელებთან ერთად.

თუ უფრო მეტად დაინტერესდებით კრისტიან სკოტის პიროვნებით შეგიძლიათ წაიკითხოთ ეს სტატია http://www.jazzreview.com/article/review-4755.html ,  მისი შემოქმედებით დასატკბობად  კი ბოლო ალბომის შეძენაც საკმარისია.

წასვლის წინ გიტოვებთ ამ გასაოცარ კომპოზიციას რომელიც ჩემ "ფლეი ლისტში" პირველ ადგილზეა. ტომ იორკის-The Eraser - კრისტიან სკოტის საყვირის ენით. 

Me and Christian Scott